عالمی ادارہ صحت کی رپورٹ میں جاری کردہ اعدادوشمار کے مطابق امریکہ کرونا وائرس سے متاثرہ ممالک میں پہلے نمبر پر آگیا۔

عالمی ادارہ صحت کی رپورٹ کے مطابق امریکہ کرونا وائرس کا نیا مرکز بن گیا۔ عالمی ادارہ صحت کی جاری کردہ
 رپورٹ کے مطابق امریکہ میں کرونا وائرس سے متاثرین کی تعداد 85505 ہوگئی ہے۔ 
عالمی ادارہ صحت کی جاری کردہ رپورٹ کے مطابق امریکہ میں کرونا وائرس سے مرنے والوں کی تعداد 1288 ہوگئی ہے۔ جبکہ صحتیاب ہونے والوں کی تعداد 713 ہوگئی ہے۔
امریکہ میں بہت سے لوگ خوفزدہ ہیں کہ دنیا کی سب سے بڑی طاقت کیسے اندرونی طور پر کمزور دکھائی دیتی ہے۔
یہ وہ ملک ہے جو دنیا کے کسی کونے میں کچھ بھی ہو رہا ہو اس پر تبصرہ کیے بغیر نہیں رہ سکتا اور اس کے رہنما اپنی طاقت کا مظاہرہ کرتے پیچھے نہیں رہتے۔
امریکہ کے وفاقی تحفظ صحت ایجنسی کے بیماریوں پر قابو پانے اور بچانے والے ادارے (سی ڈی سی) کے سابق ڈائریکٹر ٹام فرائیڈن نے یہ پیشگوئی کی ہے کہ زیادہ خراب صورتحال میں، جو کہ دکھائی دے رہی ہے، امریکہ کی آدھی آبادی کووڈ-19 وائرس کی لپیٹ میں آ سکتی ہے اور ایک ملین سے زیادہ افراد اس سے ہلاک ہو سکتے ہیں۔
امریکہ کی صورتحال وہاں تک پہنچ چکی ہے کہ اب یہ خبریں آ رہی ہیں کہ یہاں سے لوگ اپنے آبائی وطن واپس جا رہے ہیں۔
ایک رپورٹ کے مطابق جن چینی والدین نے بڑے فخر سے اپنے بچوں کو تعلیم کے حصول کے لیے امریکہ یا لندن بھجوایا تھا وہ اب انھیں ماسک اور سینٹائزر بھیج رہے ہیں یا انھیں جلد از جلد گھر واپس بلا رہے ہیں جس پر 25 ہزار ڈالر تک خرچ آ سکتا ہے۔